https://sputnik.kz/20250304/taldyqorgan-mektebinde-zabir-korgen-oqushynyn-anasy-adildik-izdeydi-51343883.html
Талдықорған мектебінде зәбір көрген оқушының анасы әділдік іздейді
Талдықорған мектебінде зәбір көрген оқушының анасы әділдік іздейді
Sputnik Қазақстан
Желіде Талдықорғанда оқушылардың мектеп дәретханасында түсірген видеосы пайда болды. Онда балалар түрмедегі жағдайды сипаттайтын ойынды ойнап, ерсі әрекеттер... 04.03.2025, Sputnik Қазақстан
2025-03-04T17:39+0500
2025-03-04T17:39+0500
2025-03-04T21:15+0500
талдықорған
мектеп
https://sputnik.kz/img/07e9/03/04/51344148_0:151:1600:1051_1920x0_80_0_0_10aa059f8bd08c64ff007a8659a46835.jpg
АЛМАТЫ, 4 наурыз - Sputnik. Талдықорған қаласындағы Абай атындағы №1 орта мектеп оқушыларының дәретханадағы ерсі ойыны жұртты шошытты. Әлеуметтік желіде оның видеосы тарады. Бейнежазба желі қолданушыларының наразылығын тудырды. Sputnik Қазақстан білім ордасына барып, мән-жайды біліп қайтты.Бейнежазбада жоғары сынып оқушыларының бірі жасы кіші жасөспірімді әжетханаға кіргізіп, дәретхана орындығына отырғызып қойып, өзінің шалбарын шешуге ыңғайланып жатқаны бейнеленген. Оқиғаның қалай аяқталғаны белгісіз.Sputnik Қазақстан тілшісіне жәбір көрген оқушының анасы Фарида баласын мазақ еткен оқушыларды да, олардың ата-аналарын да кешірмегенін айтты.Тентек оқушылардың үстінен шағым жазбаған, өйткені болашақтарын ойладым, дейді Фарида. Бірақ саналы түрде ойына келгенді істеген жасөспірім өз ісіне жауап беру керек дейді ол."Мен баламның жүрегін ауыртпау үшін видеоны жойғым келіп жүр, ал мектеп басшылығы керісінше жиналыс ашып, бәріне көрсеткен. Мен адам құқын қорғау ұйымына да хабарластым. Қан қысымым көтеріліп, көзімнен жас тыйылмады. Балама зәбір көрсеткен оқушыларға арыз жазбадым, өйткені мен баламды да, ол балалардың да болашағын ойладым. Бірақ олар оны түсінген жоқ. Ата-анасы төлеген айыппұлмен құтылмасын, мен оларды кешірген жоқпын. Бірнеше сағаттық жұмысқа жегілсе де жазасын алсын, олар қолмен істегенді мойнымен көтерсін", - дейді жәбір көрген оқушының анасы.Фариданың айтуынша, ұлы –тәртіпті, момын, мейіріммен өсіп жатқан бала.Sputnik Қазақстан тілшісі дәл осы мектептің оқушыларымен де тілдесіп көрді. Төменгі сынып оқушылары бұл көріністен еш әбестік көрмепті."Бұл – жай ойын. "Слова Чушпана, Пацан на асфальте" деген видеоға қарап, қызық көріп ойнаған", - дейді 5 сынып оқушылары.Ал кейбір оқушылар бұны буллинг дейді. Бұл тәртіпсіздікті жасаған – 9 -сынып оқушылары. Ал ойнап болса да әлімжеттік көрген – 8-сынып оқушысы. Бейнежазба туралы сол оқушылардың құрдастары, яғни 9 сынып оқушыларының өздерінен сұрадық."Алғаш көргенде жағамызды ұстадық. Бұл ешқандай да ойын емес, таза масқара жағдай. Әдепсіздік. Өте нашар көрініс. Бұлай істеуге болмайды", - дейді тентектік жасаған оқушылардың қатарластары.Ал мектеп директоры жиналыста болғандықтан жолығу мүмкін болмады. Есесіне аты-жөнін бір сағат жасырып, журналистерді мектеп емес, қоршаудан шығуды талап еткен тәрбие ісінің меңгерушісі ұзақ уақыттан кейін әрең уәжге келді. Білекпен де, біліммен де сайысқанды сан соқтырып жүрміз деген Қуат Нұрғалиұлы "бұл - балалардың ойыны" дейді."Тексеру және басқа да жұмыстар жүргізіліп жатыр. 9 Б сынып балалары ойын ретінде түсірген. Ол балалар мектепішілік есепке қойылды, үш ата-анаға жеке-жеке 20 мың теңгеден айыппұл салынды. Балалар ойын деп түсіндірді. Негізі мектебіміз өте жақсы", - дейді мектептің тәрбие ісі жөніндегі меңгерушісі.Тентектік жасады деген оқушылар толыққанды, тәрбиелі отбасынан шыққан дейді педагогтар. Айта кетейік, бұл мектепте қазіргі уақытта 1700 оқушы білім алып жатыр.Облыстық білім басқармаларының мәліметінше, жәбір көрді деген оқушыға психологтар көмектесіп жатыр."Бұл жағдай ерекше бақылауға алынып, оқиға бойынша кешенді тексеру ұйымдастырылды. Сонымен қатар барлық мектепте буллингтің алдын алу, психологиялық қолдауды күшейту және тәртіптік бақылау жүйесін жетілдіру жұмыстары жүргізіледі. Тәрбиелеу жөніндегі міндеттерін дұрыс орындамағаны үшін ата-аналар әкімшілік жауапқа тартылды. Екі мұғалім сынып жетекшіліктен шеттетілді. Директордың тәрбие ісі жөніндегі орынбасары өз еркімен қызметінен кетті. Мектеп басшысына қатаң сөгіс берілді. Құқық бұзушылар ішкі істер органдарының арнайы есебіне қойылды. Жәбірленушіге психологиялық-педагогикалық түзету орталығы жан-жақты психологиялық көмек көрсетуде", - дейді ведомство.
https://sputnik.kz/20250303/qazaqstandyqtar-semeyde-soqqyga-zhygylgan-balaga-uy-alyp-berdi------------------------------51318585.html
талдықорған
Sputnik Қазақстан
media@sputniknews.com
+74956456601
MIA „Rossiya Segodnya“
2025
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
Айдана Дайырова
https://sputnik.kz/img/07e6/0a/04/28176122_0:0:472:473_100x100_80_0_0_fcd7c420b72c307d5b9853f5dff45762.jpg
талдықорған, мектеп
Талдықорған мектебінде зәбір көрген оқушының анасы әділдік іздейді
17:39 04.03.2025 (жаңартылды: 21:15 04.03.2025) Желіде Талдықорғанда оқушылардың мектеп дәретханасында түсірген видеосы пайда болды. Онда балалар түрмедегі жағдайды сипаттайтын ойынды ойнап, ерсі әрекеттер жасайды
АЛМАТЫ, 4 наурыз - Sputnik. Талдықорған қаласындағы Абай атындағы №1 орта мектеп оқушыларының дәретханадағы ерсі ойыны жұртты шошытты. Әлеуметтік желіде оның видеосы тарады. Бейнежазба желі қолданушыларының наразылығын тудырды.
Sputnik Қазақстан білім ордасына барып, мән-жайды біліп қайтты.
Бейнежазбада жоғары сынып оқушыларының бірі жасы кіші жасөспірімді әжетханаға кіргізіп, дәретхана орындығына отырғызып қойып, өзінің шалбарын шешуге ыңғайланып жатқаны бейнеленген. Оқиғаның қалай аяқталғаны белгісіз.
Sputnik Қазақстан тілшісіне жәбір көрген оқушының анасы Фарида баласын мазақ еткен оқушыларды да, олардың ата-аналарын да кешірмегенін айтты.
"Видеодан баламды көріп, оны соңына дейін көруге шыдамадым. Бұл оқиға екі апта бұрын болған. Балам аузын ашып айтпады. Мен әлеуметтік желіден көрдім. Екі жақтың ата-аналары татуласты деп ақпарат тартыпты. Баламды мазақ еткен оқушыларды да, ата-аналарын да кешірген жоқпын. Желідегі бейнежазбаны алып тастау туралы қаншама блогерге өтіндім, бірақ олар сол күйі парақшасынан алмады. Әуелі 9-10 сынып оқушыларын акт залына жинап, сол бейнежазбаны көрсеткен. Балаларға түсіндіру жұмыстарын жүргізетін болса, неге ауызша айтпаған? Мектеп директоры, инспектор сол акт залында болған", - дейді Фарида.
Тентек оқушылардың үстінен шағым жазбаған, өйткені болашақтарын ойладым, дейді Фарида. Бірақ саналы түрде ойына келгенді істеген жасөспірім өз ісіне жауап беру керек дейді ол.
"Мен баламның жүрегін ауыртпау үшін видеоны жойғым келіп жүр, ал мектеп басшылығы керісінше жиналыс ашып, бәріне көрсеткен. Мен адам құқын қорғау ұйымына да хабарластым. Қан қысымым көтеріліп, көзімнен жас тыйылмады. Балама зәбір көрсеткен оқушыларға арыз жазбадым, өйткені мен баламды да, ол балалардың да болашағын ойладым. Бірақ олар оны түсінген жоқ. Ата-анасы төлеген айыппұлмен құтылмасын, мен оларды кешірген жоқпын. Бірнеше сағаттық жұмысқа жегілсе де жазасын алсын, олар қолмен істегенді мойнымен көтерсін", - дейді жәбір көрген оқушының анасы.
Фариданың айтуынша, ұлы –тәртіпті, момын, мейіріммен өсіп жатқан бала.
Sputnik Қазақстан тілшісі дәл осы мектептің оқушыларымен де тілдесіп көрді. Төменгі сынып оқушылары бұл көріністен еш әбестік көрмепті.
"Бұл – жай ойын. "Слова Чушпана, Пацан на асфальте" деген видеоға қарап, қызық көріп ойнаған", - дейді 5 сынып оқушылары.
Ал кейбір оқушылар бұны буллинг дейді. Бұл тәртіпсіздікті жасаған – 9 -сынып оқушылары. Ал ойнап болса да әлімжеттік көрген – 8-сынып оқушысы. Бейнежазба туралы сол оқушылардың құрдастары, яғни 9 сынып оқушыларының өздерінен сұрадық.
"Алғаш көргенде жағамызды ұстадық. Бұл ешқандай да ойын емес, таза масқара жағдай. Әдепсіздік. Өте нашар көрініс. Бұлай істеуге болмайды", - дейді тентектік жасаған оқушылардың қатарластары.
Ал мектеп директоры жиналыста болғандықтан жолығу мүмкін болмады. Есесіне аты-жөнін бір сағат жасырып, журналистерді мектеп емес, қоршаудан шығуды талап еткен тәрбие ісінің меңгерушісі ұзақ уақыттан кейін әрең уәжге келді. Білекпен де, біліммен де сайысқанды сан соқтырып жүрміз деген Қуат Нұрғалиұлы "бұл - балалардың ойыны" дейді.
"Тексеру және басқа да жұмыстар жүргізіліп жатыр. 9 Б сынып балалары ойын ретінде түсірген. Ол балалар мектепішілік есепке қойылды, үш ата-анаға жеке-жеке 20 мың теңгеден айыппұл салынды. Балалар ойын деп түсіндірді. Негізі мектебіміз өте жақсы", - дейді мектептің тәрбие ісі жөніндегі меңгерушісі.
Тентектік жасады деген оқушылар толыққанды, тәрбиелі отбасынан шыққан дейді педагогтар. Айта кетейік, бұл мектепте қазіргі уақытта 1700 оқушы білім алып жатыр.
Облыстық білім басқармаларының мәліметінше, жәбір көрді деген оқушыға психологтар көмектесіп жатыр.
"Бұл жағдай ерекше бақылауға алынып, оқиға бойынша кешенді тексеру ұйымдастырылды. Сонымен қатар барлық мектепте буллингтің алдын алу, психологиялық қолдауды күшейту және тәртіптік бақылау жүйесін жетілдіру жұмыстары жүргізіледі. Тәрбиелеу жөніндегі міндеттерін дұрыс орындамағаны үшін ата-аналар әкімшілік жауапқа тартылды. Екі мұғалім сынып жетекшіліктен шеттетілді. Директордың тәрбие ісі жөніндегі орынбасары өз еркімен қызметінен кетті. Мектеп басшысына қатаң сөгіс берілді. Құқық бұзушылар ішкі істер органдарының арнайы есебіне қойылды. Жәбірленушіге психологиялық-педагогикалық түзету орталығы жан-жақты психологиялық көмек көрсетуде", - дейді ведомство.
