https://sputnik.kz/20250410/qazaqstan-bitimgerlerinin-ekinshi-quramy-golan-zhotalaryna-attandy-52365865.html
Қазақстан бітімгерлерінің екінші құрамы Голан жоталарына аттанды
Қазақстан бітімгерлерінің екінші құрамы Голан жоталарына аттанды
Sputnik Қазақстан
АСТАНА, 10 сәуір – Sputnik. Алматыда Голан жоталарына екінші ұлттық бітімгерлік контингентті шығарып салу рәсімі өтті, деп хабарлады Қорғаныс министрлігінің... 10.04.2025, Sputnik Қазақстан
2025-04-10T17:41+0500
2025-04-10T17:41+0500
2025-04-10T17:41+0500
бітімгершілік
бұұ
https://sputnik.kz/img/07e9/04/0a/52360725_0:56:1080:664_1920x0_80_0_0_18b479a992ef68187b16471cfd1fc545.jpg
АСТАНА, 10 сәуір – Sputnik. Алматыда Голан жоталарына екінші ұлттық бітімгерлік контингентті шығарып салу рәсімі өтті, деп хабарлады Қорғаныс министрлігінің баспасөз қызметі.Салтанатты іс-шара Сағадат Нұрмағамбетов атындағы Құрлық әскерлерінің әскери институтында өтті.Қорғаныс министрінің тәрбие және идеологиялық жұмыс жөніндегі орынбасары генерал-майор Шайх-Хасан Жазықбаев бітімгерлерге ақжол тіледі. Ол Қазақстанның халықаралық қауіпсіздікті қолдау ісіне қатысуының маңыздылығын атап өтті.Бұдан соң екінші бітімгерлік контингентінің командирі подполковник Жәнібек Нұрланов бастаған әскерилер плацта салтанатты саппен жүріп өтті. Осы сәттен Қарулы күштердің 139 әскери қызметшісі алғашқы контингентті ауыстыру үшін Дамаскіге жол тартып кетті."Бітімгерлік контингенттің барлық әскери қызметшісі ерікті негізде қабылданды. Олардың арасында екі әйел бар. Іріктеу жан-жақты дайындық нәтижелері бойынша жүргізілді. Кандидаттардың кәсіби және моральдық қасиеттері ескерілді. Біздің контингент БҰҰ мандаты шеңберінде қойылған барлық міндетті орындауға дайын екеніне сенімдіміз", – деп атап өтті Қорғаныс министрлігі Бітімгерлік операциялар орталығының бастығы подполковник Уәлихан Бәйкенов.Қазақстандық бітімгерлер атысты тоқтату режимін қамтамасыз ету, патрульдеу, блокпостарды күзету, жарылыс қаупі бар заттарды жою, сондай-ақ БҰҰ персоналдарын алып жүру мен эвакуациялау жөніндегі міндеттерді орындайтын болады. Голан жоталарында қызмет еткен кезде контингенттің алғашқы құрамы қойылған барлық міндетті ойдағыдай орындап, БҰҰ миссиясы мен Хатшылығының басшылығынан жоғары баға алғанын айта кету керек.
Sputnik Қазақстан
media@sputniknews.com
+74956456601
MIA „Rossiya Segodnya“
2025
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
бітімгершілік, бұұ
АСТАНА, 10 сәуір – Sputnik. Алматыда Голан жоталарына екінші ұлттық бітімгерлік контингентті шығарып салу рәсімі өтті, деп хабарлады Қорғаныс министрлігінің баспасөз қызметі.
Салтанатты іс-шара Сағадат Нұрмағамбетов атындағы Құрлық әскерлерінің әскери институтында өтті.
Қорғаныс министрінің тәрбие және идеологиялық жұмыс жөніндегі орынбасары генерал-майор Шайх-Хасан Жазықбаев бітімгерлерге ақжол тіледі. Ол Қазақстанның халықаралық қауіпсіздікті қолдау ісіне қатысуының маңыздылығын атап өтті.
"Бітімгерлік контингентті Голан жоталарына өз бетінше өрістету – Қазақстан Республикасының және оның Қарулы күштерінің әлемдік аренадағы беделінің дәлелі. Халықаралық стандарттар бойынша дайындалған және жарақтандырылған біздің контингент БҰҰ миссиясының мандаты шеңберінде жүктелген міндеттерді орындауға дайын", – деп атап өтті ол.
Бұдан соң екінші бітімгерлік контингентінің командирі подполковник Жәнібек Нұрланов бастаған әскерилер плацта салтанатты саппен жүріп өтті. Осы сәттен Қарулы күштердің 139 әскери қызметшісі алғашқы контингентті ауыстыру үшін Дамаскіге жол тартып кетті.
"Бітімгерлік контингенттің барлық әскери қызметшісі ерікті негізде қабылданды. Олардың арасында екі әйел бар. Іріктеу жан-жақты дайындық нәтижелері бойынша жүргізілді. Кандидаттардың кәсіби және моральдық қасиеттері ескерілді. Біздің контингент БҰҰ мандаты шеңберінде қойылған барлық міндетті орындауға дайын екеніне сенімдіміз", – деп атап өтті Қорғаныс министрлігі Бітімгерлік операциялар орталығының бастығы подполковник Уәлихан Бәйкенов.
Қазақстандық бітімгерлер атысты тоқтату режимін қамтамасыз ету, патрульдеу, блокпостарды күзету, жарылыс қаупі бар заттарды жою, сондай-ақ БҰҰ персоналдарын алып жүру мен эвакуациялау жөніндегі міндеттерді орындайтын болады. Голан жоталарында қызмет еткен кезде контингенттің алғашқы құрамы қойылған барлық міндетті ойдағыдай орындап, БҰҰ миссиясы мен Хатшылығының басшылығынан жоғары баға алғанын айта кету керек.
