https://sputnik.kz/20250414/qaragandylyq-sogys-ardageri-100-zhyldyq-mereytoyyn-atap-otti-52443127.html
Қарағандылық соғыс ардагері 100 жылдық мерейтойын атап өтті
Қарағандылық соғыс ардагері 100 жылдық мерейтойын атап өтті
Sputnik Қазақстан
Мария Шинкевичті әкімдік пен Қорғаныс министрлігінің өкілдері құттықтады 14.04.2025, Sputnik Қазақстан
2025-04-14T09:18+0500
2025-04-14T09:18+0500
2025-04-14T09:18+0500
ұлы жеңістің 80 жылдығы
https://sputnik.kz/img/07e9/04/0e/52441382_0:90:600:428_1920x0_80_0_0_296dd6b737fc7e93459103ba042f61fa.jpg
АСТАНА, 14 сәуір – Sputnik. Қарағандылық Ұлы Отан соғысының ардагері Мария Ефимовна Шинкевич 100 жылдық мерейтойын атап өтті, деп хабарлады облыс әкімдігінің баспаөз қызметі.Туған күн иесін құттықтауға Қазыбек би атындағы аудан әкімдігінің өкілдері, қалалық мәслихат депутаттары, ардагерлер кеңесі, әскери қызметкерлер мен оқушылар келді."Сіз Отанға адал қызмет етудің жарқын үлгісісіз. Сіз лайықты өмір сүріп, көпті көрген адамсыз. Соғыс және соғыстан кейінгі кезеңнің қатал сынақтарына абыроймен төтеп берген батыр ұрпақтың өкілісіз. Бостандық пен бейбіт аспан үшін, Ұлы Жеңіс үшін сіздердің алдарыңызда бас иемін. Сіздерге зор денсаулық және сүйіспеншілік, қамқорлық үшін бақытты күндер тілейміз", – деп құттықтады облыс әкімі мен қала басшылығының атынан Қазыбек би ауданы әкімінің орынбасары Ринат Қаржасбаев.Мария Ефимовна 1925 жылы 13 сәуірде Қарағанды облысы Ростовка ауылында дүниеге келген. 1944 жылы 19 жасқа толған күні әскерге шақырылды. Мәскеу Бас әскери мектебінің әйелдер мергендік мектебінде оқыған, содан кейін 1945 жылдың тамызына дейін 3-ші Белорусь және Украина майдандарында мерген болған. Жеңісті Прагада қарсы алған.ІІ дәрежелі Отан соғысы орденімен, "Ерлігі үшін", "Германияны жеңгені үшін" екі медалімен, Кеңес Одағының Маршалы Г. К. Жуковтың медалімен, "Украинаны азат еткені үшін" және жауынгерлік еңбегі үшін алғыс хаттармен марапатталған. Соғыстан кейін көптеген майдангер сияқты елді қалпына келтіруде жұмыс істеген."9 мамыр – ең атаулы күн. Мен оны әлі күнге дейін толқып, көзіме қуаныштан жас алып еске аламын. Біз жеңісті күттік және оның келетініне сендік, – дейді ардагер. – Ал жастарға бір кеңес бергім келеді: әрқашан қозғалыста болу, жұмыс істеу және жалқауланбау қажет. Үлкендерді құрметтеп, өз құрдастарыңа үлгі болыңдар".Ардагерді туған күнінде Қорғаныс министрлігінің өкілдері де құттықтады. Қарағанды облысы Қорғаныс істері жөніндегі департаменті бастығының орынбасары полковник Еркебұлан Мұстағұлов Мария Шинкевичке министрдің атынан құттықтау хатын тапсырды. Сондай-ақ ардагерге қонаққа "Жас Сарбаз" мектебінің оқушылары мен Нұркен Әбдіров атындағы мектептің тәрбиеленушілері келді.
Sputnik Қазақстан
media@sputniknews.com
+74956456601
MIA „Rossiya Segodnya“
2025
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
Қарағандылық соғыс ардагері 100 жылдық мерейтойын атап өтті
Мария Шинкевичті әкімдік пен Қорғаныс министрлігінің өкілдері құттықтады
АСТАНА, 14 сәуір – Sputnik. Қарағандылық Ұлы Отан соғысының ардагері Мария Ефимовна Шинкевич 100 жылдық мерейтойын атап өтті, деп хабарлады облыс әкімдігінің баспаөз қызметі.
Туған күн иесін құттықтауға Қазыбек би атындағы аудан әкімдігінің өкілдері, қалалық мәслихат депутаттары, ардагерлер кеңесі, әскери қызметкерлер мен оқушылар келді.
"Сіз Отанға адал қызмет етудің жарқын үлгісісіз. Сіз лайықты өмір сүріп, көпті көрген адамсыз. Соғыс және соғыстан кейінгі кезеңнің қатал сынақтарына абыроймен төтеп берген батыр ұрпақтың өкілісіз. Бостандық пен бейбіт аспан үшін, Ұлы Жеңіс үшін сіздердің алдарыңызда бас иемін. Сіздерге зор денсаулық және сүйіспеншілік, қамқорлық үшін бақытты күндер тілейміз", – деп құттықтады облыс әкімі мен қала басшылығының атынан Қазыбек би ауданы әкімінің орынбасары Ринат Қаржасбаев.
Мария Ефимовна 1925 жылы 13 сәуірде Қарағанды облысы Ростовка ауылында дүниеге келген. 1944 жылы 19 жасқа толған күні әскерге шақырылды. Мәскеу Бас әскери мектебінің әйелдер мергендік мектебінде оқыған, содан кейін 1945 жылдың тамызына дейін 3-ші Белорусь және Украина майдандарында мерген болған. Жеңісті Прагада қарсы алған.
ІІ дәрежелі Отан соғысы орденімен, "Ерлігі үшін", "Германияны жеңгені үшін" екі медалімен, Кеңес Одағының Маршалы Г. К. Жуковтың медалімен, "Украинаны азат еткені үшін" және жауынгерлік еңбегі үшін алғыс хаттармен марапатталған. Соғыстан кейін көптеген майдангер сияқты елді қалпына келтіруде жұмыс істеген.
"9 мамыр – ең атаулы күн. Мен оны әлі күнге дейін толқып, көзіме қуаныштан жас алып еске аламын. Біз жеңісті күттік және оның келетініне сендік, – дейді ардагер. – Ал жастарға бір кеңес бергім келеді: әрқашан қозғалыста болу, жұмыс істеу және жалқауланбау қажет. Үлкендерді құрметтеп, өз құрдастарыңа үлгі болыңдар".
Ардагерді туған күнінде Қорғаныс министрлігінің өкілдері де құттықтады. Қарағанды облысы Қорғаныс істері жөніндегі департаменті бастығының орынбасары полковник Еркебұлан Мұстағұлов Мария Шинкевичке министрдің атынан құттықтау хатын тапсырды. Сондай-ақ ардагерге қонаққа "Жас Сарбаз" мектебінің оқушылары мен Нұркен Әбдіров атындағы мектептің тәрбиеленушілері келді.
